Мектеп мақтанышы!

Мектеп мақтанышы

Шынтеміров Әділхан !!!

Оқушы жан-жақты білімімен,ерекше қабілетімен,үлгілі тәртібімен өзін жақсы көрсете біледі. Ол барлық пәндерді сүйіп оқиды. Астана қаласындағы №3 музыка мектебінің домбыра сыныбында 4 жыл оқиды. Әділхан домбыра тарту жағынан және математика, физика пәндеріне бейім.Өзіне берген тапсырмасын бұлжытпай өз уақытында орындап, өткізіп отырады. Қоғамдық жұмыстарға белсене араласады.Үй жұмысын жүйелі түрде орындап келіп отырады. Сабақ үстінде бар назары мұғалімде болып,сұрақтарына жауап беріп, үнемі тақтаға шығып, сабақ айтып,есеп шығарып отырады. Сабақты себепсіз босатпайды. Оқу үлгерімі бойынша- екпінді.  Әділхан барлық сабақты жақсы оқиды. Соның өзінде  сабаққа белсене қатысып, түсінбегенін мұғалімнен сұрап,өз  бетімен  де жұмыс жасайды. Әр сабақты зейін қойып тыңдап отырады. Оқушының ерік жігері күшті дамыған,алдына қойған мақсатына жету үшін бар күшін сала білетін, сынып белсенділерінің бірі. Мінезі салмақты, сабырлы,адамдармен тез тіл табыса алады, үлкенді құрметтеп, кішіні сыйлай  алады. Әділханның байқағыштық қасиеті жақсы дамыған. Өз күшіне,жеңіп шығатынына,барлығы жақсы болады дегенге, қатты сенеді. Осы мақсатты ұстанып Әділханның жеткен жетістіктері де аз емес. Облыстық және республикалық сайыстардың жеңімпазы. «Сәлем Астана», «Күншуақ»  Тәуелсіздік мерекесіне ұйымдастырылған «Күй қайнары» атты қалалық күй тартыста өзінің өнерпаздығын танытқан үшін алғашқы орынға ие болды. Ұлтық Дельфийлік ойындар бағдарламасы бойынша ІІ қалалық Шаттық-2013 байқауының және «Ақ көгершін» атты Халықаралық конкурсының жеңімпазы. Биылғы оқу жылында Әділхан оқып жүрген мектебінің дәрежесін көтеріп,«Шаттық-2014»қалалық байқауында бас жүлдені жеңіп,  Алтын медальдің  иегері болды.

Биік шыңнан көріне бер!  Қанатың талмасын! Жарайсың!

Комментарии